Property.com.mm | Buy, Sell, Rent - အထူးစီးပွားရေးဇုန် စီမံကိန်းကြောင့် ပင်လယ်ကမ်းခြေ မြေကွက်များနှင့် ကျောက်ဖြူ-စနဲ ကားလမ်း ၀ဲယာတစ်လျှောက် မြေဈေးမြင့်တက်

အထူးစီးပွားရေးဇုန် စီမံကိန်းကြောင့် ပင်လယ်ကမ်းခြေ မြေကွက်များနှင့် ကျောက်ဖြူ-စနဲ ကားလမ်း ၀ဲယာတစ်လျှောက် မြေဈေးမြင့်တက်

ကျောက်ဖြူ အထူးစီးပွားရေးစီမံကိန်းကြောင့် ပင်လယ်ကမ်းခြေ မြေကွက်များနှင့် ကျောက်ဖြူ-စနဲ ကားလမ်း ၀ဲယာတစ်ဖက်တစ်ချက်ရှိ လယ်ယာမြေများ၊ ဥယျာဉ်ခြံမြေဈေးများမှာ ၂၀၁၄-၂၀၁၅ ခုနှစ်ကထက် တစ်ဆခန့် မြင့်တက်လာကြောင်း မြေယာအကျိုးဆောင်လုပ်ငန်းရှင်များထံမှ သိရသည်။

ရခိုင်ပြည်နယ် ကျောက်ဖြူမြို့နယ်တွင် အထူးစီးပွားရေးစီမံကိန်း အကောင်အထည်ဖော် ဆောင်ရွက်မည့် အချိန်အတိုင်းအတာ ရေရာတိကျမှု မရှိသေးသော်လည်း အထူးစီးပွားရေးဇုန်စီမံကိန်းကို မျှော်ကိုးပြီး ၂၀၁၄- ၂၀၁၅ ခုနှစ်ကထက် မြေကွက်ဝယ်ရောင်း လုပ်ကိုင်သူများက စက်မှုဇုန်စတင်လာလျှင် ကျောက်ဖြူ-ဇင်ချောင်း-စနဲ လမ်းဘေးဝဲယာ တစ်လျှောက်ရှိ မြေကွက်ဈေးနှုန်းများ မြင့်တက်လာနိုင်သောကြောင့် ဈေးနှုန်း မြင့်တက်နိုင်မှုကို မျှော်မှန်းပြီး အမြင့်ဈေးများဖြင့် ပြန်လည်ရောင်းချရန် ၀ယ်ယူရင်းနှီးမြှုပ်နှံထားကြခြင်း ဖြစ်ကြောင်း သိရသည်။

“ကျောက်ဖြူ အထူးစီးပွားရေးဇုန်စီမံကိန်းကြောင့် မြေယာဈေးကွက်တွေက နေရာအလိုက် ဈေးမြင့်တက်လာပါတယ်။ မြေကွက် ၀ယ်ရောင်းလုပ်ကိုင်သူတွေက ဈေးကစားနေတာကြောင့် နေရာတိုင်းတော့ ဈေးမြှင့်ပေးတာ မဟုတ်ပါဘူး။ ကျောက်ဖြူ-ဇင်ချောင်း-စနဲ ကားလမ်း ၀ဲယာတစ်ဖက်တစ်ချက်နဲ့ ပင်လယ်ကမ်းခြေ ကုန်းမြင့်ပိုင်းတွေမှာတော့ မြေကွက်ဈေးနှုန်းက ယခင်နှစ်ကထက် တစ်ဆခန့် မြင့်တက်သွားပါတယ်”ဟု ဇင်ချောင်းတိုက်နယ်မှ ဦးသိန်းဇော်က ဆိုသည်။

စက်မှုဇုန် စတင်လာပါက ကားလမ်းဝဲယာတစ်လျှောက် မြေကွက်ဈေးနှုန်းများ ဈေးမြင့်တက်လာနိုင်ပြီး ကားလမ်းနှင့် ဝေးသည့် မြေကွက်များဆိုလျှင်လည်း စက်မှုဇုန် စီမံကိန်းဧရိယာအတွင်း ပါဝင်သွားပါက ၀ယ်ရောင်း လုပ်ကိုင်သူတို့အဖို့ ထိုက်သင့်သည့် လျော်ကြေးရရှိမည်ကို ယုံကြည်ထားသဖြင့် ကျောက်ဖြူ မြို့နယ်အတွင်းရှိ တောင်သူများထံမှ မြေကွက်အမျိုးအစားကို ကြည့်ပြီး လယ်ယာမြေပိုင်ဆိုင်မှု ပုံစံ (၇) ရှိသည့်မြေကွက်ဆိုလျှင် ဈေးပိုပေးကာ ၀ယ်ယူလာခြင်းဖြစ်ကြောင်း ကျောက်ဖြူမြို့နယ် အိမ်ခြံမြေ၀ယ်ရောင်း အကျိုးဆောင်လုပ်ငန်းလုပ်ကိုင်သူ ဦးမြင့်သိန်းက ပြောကြားသည်။

“မြေဈေးကွက်က ၂၀၁၄-၂၀၁၅ ခုနှစ်က နေရာဒေသအလိုက် တစ်ဧကကို ကျပ် ၁၀ သိန်းနဲ့ ၁၅ သိန်းဝန်းကျင်ပဲ ရှိခဲ့တယ်။ ၂၀၁၇ မှာ စီးပွားရေးဇုန် စမယ်လို့ သိရတယ်။ ဒါ ကြောင့် ပြည်တွင်းရင်းနှီးမြှုပ်နှံသူ လုပ်ငန်းရှင်များနဲ့ ဒေသတွင်း လုပ်ငန်းရှင်များက နယ်ဘက်က ဒေသခံတွေနဲ့ ချိတ်ဆက်ပြီး မြေကွက်တွေကို ဆက်တိုက်ဝယ်ယူလာကြတယ်။ ဒီနှစ် ဧပြီ၊ မေလလောက်မှာ စပြီး တစ်ဧကကို ကျပ် သိန်း ၂၀ က ၂၅ သိန်းအထိ မြင့်တက်သွားတာပါ”ဟု အိမ်ခြံမြေ ၀ယ်ရောင်းအကျိုးဆောင်လုပ်ငန်း လုပ်ကိုင်သူ ဦးမြင့်သိန်းက ပြောကြားသည်။

ကျောက်ဖြူ အထူးစီးပွားရေးဇုန်စီမံကိန်း အကောင်အထည်ဖော် ဆောင်ရွက်မည့် သတ်မှတ်ဧရိယာမြေဧက ၄၀၀၀ ကျော်အတွင်းရှိ ပုံစံ (၇) ဖြင့် လယ်ယာမြေပိုင်ဆိုင်မှု သက်သေခံလက်မှတ် မရရှိသေးသော တောင်သူများအား စာရင်းကောက်ယူပြီး ၂၀၁၄- ၂၀၁၅ ခုနှစ်အတွင်း၌ အပြီးသတ်ထုတ်ပေးကာ တစ်ဖက်ပိတ်ဆည်စီမံကိန်း တည်ဆောက်ရေးကုမ္ပဏီနှင့် အစိုးရတို့ ပူးပေါင်းပြီး မြေယာ တစ်ဧကနှုန်းကို ကျပ် ၃၆ သိန်းကိုလည်း ပေးဆောင်ထားပြီးဖြစ်ကြောင်း ကျောက်ဖြူမြို့ မြေစာရင်းဦးစီးဌာနမှ သိရှိရသည်။

Source: Eleven

Facebook comments