နည်းပညာမြင့်စီမံကိန်းဖြစ်လာမယ့် Yangon Smart City

javascript

အနာဂတ်မြို့ပြစီမံခန့်ခွဲမှု နည်းပညာများ၊ အရှေ့တောင်အာရှရဲ့ ဆန်းသစ်တဲ့ နည်းပညာတွေကိုဖော်ဆောင်ဖို့ ရည်ရွယ်တဲ့ ရှေ့ပြေးစီမံကိန်း တစ်ခုဖြစ်တဲ့ Yangon Smart City နည်းပညာမြင့် စီမံကိန်းတစ်ခုကို ရန်ကုန်မြို့မှာ တည်ဆောက်သွားမယ်လို့ သိရပါတယ်။

ဒီစီမံကိန်းကို ကနဦးရင်းနှီးမြှပ်နှံမှုအနေနဲ့ အမေရိကန်ဒေါ်လာ သန်း ၂၀၀ နဲ့ စတင်သွားမယ်လို့ သိရပြီး ကိုရီးယား၊ တရုတ်နဲ့ စင်ကာပူနိုင်ငံတွေက ၀င်ရောက်ရင်းနှီးမြှပ်နှံဖို့ လာရောက်ညှိနှိုင်းနေတယ်လို့ ဆိုပါတယ်။

Yangon Smart City စီမံကိန်းကို ပတ်ဝန်းကျင်ညစ်ညမ်းမှုကို မထိခိုက်စေတဲ့ သန့်ရှင်းပြည့်ဖြိုးမြဲစွမ်းအင် သုံးစွဲတဲ့အလေ့အထတွေကို တိုးတက်စေဖို့ Green ENergy အသုံးပြုနိုင်မယ့် အစီအစဉ်တွေကို ထည့်သွင်းတည်ဆောက်သွားမယ်လို့လည်း သိရပါတယ်။

စီမံကိန်းရဲ့ Master Planning နဲ့ ဒီဇိုင်းတည်ဆောက်ရေးလုပ်ငန်းတွေအတွက် Liverpool Water, Shanghai Media City စတာတွေကို ဆောက်လုပ်ထားတဲ့ အင်္ဂလန်အခြေစိုက် Chapman Taylor အပါအ၀င် အရှေ့တောင်အာရှအတွင်းက အဆောက်အဦ ဆောက်လုပ်ရေး ကုမ္ပဏီတွေနဲ့ ဆက်လက်ဆွေးနွေးနေတယ်လို့ သိရပါတယ်။

ရန်ကုန်တိုင်းထဲက မြေဧရိယာ ငါးဧကအပေါ်မှာ ဆောက်လုပ်ဖို့ ရည်ရွယ်ထားတဲ့ Yangon Smart City စီမံကိန်း ခွင့်ပြုချက်ရဖို့ တိုင်းဒေသကြီး အစိုးရ အဖွဲ့ခွင့်ပြုချက်ရဖို့ စောင့်ဆိုင်းနေပြီး စီမံကိန်းကနေတဆင့် လာမယ့်လေးနှစ်အတွင်း အလုပ်အကိုင် အခွင့်အလမ်းပေါင်း သုံးသောင်းကနေ ငါးသောင်းအထိ ဖန်တီးပေးနိုင်ဖို့ ရည်ရွယ်ထားတယ်လို့ ဆိုပါတယ်။

Source: Duwun

Facebook comments