ပြည်သူ့အတွက် တန်ဖိုးနည်းယုဇနအထပ်မြင့်အိမ်ရာအပိုင်း(၂) တည်ဆောက်လျက်ရှိ

javascript
နှစ်စဉ် ရန်ကုန်မြို့တွင်း လူဦးရေ တိုးပွားလာသည့် အတွက် အခြေခံ လူတန်းစားများ ခေတ်နှင့်အညီ နေထိုင်မှု အဆင့်အတန်း မြင့်မားရေး အတွက် ဆောက်လုပ်ရေး ဝန်ကြီးဌာန မြို့ပြနှင့် အိမ်ရာဖွံ့ဖြိုးရေးဦးစီးဌာန၏ စီစဉ် ကြီးကြပ်မှုဖြင့် ပြည်သူ့အတွက် တန်ဖိုးနည်း အိမ်ရာပေါင်း မြောက်မြားစွာ တို့ကို တည်ဆောက်ပေးလျက်ရှိရာ ရန်ကုန်အရှေ့ပိုင်းခရိုင် ဒဂုံမြို့သစ်(ဆိပ်ကမ်း) မြို့နယ် စစ်တောင်းရိပ်မွန် (၉၂)ရပ်ကွက် သီဟိုဠ်လမ်းမဘေးဝဲယာ တစ်လျှောက် မြေကွက်လပ်လွတ်ပေါ်၌ စီမံကိန်းဧရိယာ ၁၇ ဧကပေါ်တွင် တန်ဖိုးနည်း ယုဇနအထပ်မြင့်အိမ်ရာ အပိုင်း(၂) ကို ၂ဝ၁၅ ခုနှစ် မတ်လက စတင်တည်ဆောက်လျက်ရှိသည်။

ခြောက်ခန်းတွဲ လေးထပ်မြင့် အဆောက်အအုံတိုက်ခန်း၌ ၄၆၈ စတုရန်းပေ အကျယ်ရှိ အခန်းပေါင်း ၂၈၈ ခန်း၊ အဆောက်အအုံ ၁၂လုံးနှင့် ရှစ်ခန်းတွဲ လေးထပ်မြင့် အဆောက်အအုံတိုက်ခန်း၌ ၄၈၄ စတုရန်းပေ၊ ၅၂၂ စတုရန်းပေ အကျယ် အခန်းပေါင်း ၅၇၆ ခန်းရှိ အဆောက်အအုံ ၁၈ လုံးတို့ကို ဆောက်လုပ်လျက်ရှိကြောင်း မြို့ပြနှင့်အိမ်ရာဖွံ့ဖြိုးရေးဦးစီးဌာနမှ အင်ဂျင်နီယာမှူး ဒေါ်သဲဆုငြိမ်းက ပြောကြားသည်။ ပြည်သူ့အတွက် တန်ဖိုးနည်းယုဇနအထပ်မြင့် အိမ်ရာ အပိုင်း(၂)စီမံကိန်း၏ အဆောက်အအုံပေါင်း ၃ဝ ၊ အခန်းပေါင်း ၁၁၅၂ ခန်း ကို ၂ဝ၁၆ ခုနှစ်အကုန် အပြီးတည်ဆောက်ရန် သတ်မှတ်လျာထားလျက်ရှိကြောင်း သိရသည်။

Source: MOI Webportal Myanmar

Facebook comments