အိမ်ခြံမြေဈေးကွက်၌ နိုင်ငံခြားသားများ ရောင်းဝယ်ငှားရမ်းမှု အခြေအနေ

javascript


အစိုးရသစ် အကူးအပြောင်းကာလ နောက်ပိုင်းတွင် ပြည်ပရင်းနှီးမြှုပ်နှံမှုများ စီးပွားရေးဈေးကွက် ပွင့်လင်းကောင်းမွန် လာမှုများနှင့်အတူ နိုင်ငံခြားသားများ၏ ရုံးသုံး အိမ်ခန်းများ၊ နေထိုင်ရန် အခန်းလိုအပ်ချက်သည်လည်း ပိုမိုများပြား လာမည့် အနေအထားရှိနေကြောင်း အိမ်ခြံမြေအကျိုးဆောင်အချို့၏ သုံးသပ်ပြောကြားချက်များအရ သိရသည်။ ယခင်က မြန်မာနိုင်ငံကွန်ဒိုတိုက်ခန်းများကို နိုင်ငံခြားသားများအား အငှား စနစ်ဖြင့်သာ နေထိုင်ခွင့်ပေးခဲ့ပြီး ယခုနှစ် ဇန်န၀ါရီလက လွှတ်တော်အတွင်း၌ ကွန်ဒိုမီနီယံဥပဒေကို ပြင်ဆင် သတ်မှတ်ခဲ့ရာ နိုင်ငံခြားသားများအနေဖြင့် စုစုပေါင်းအဆောက်အအုံ၏ ၄၀ ရာခိုင်နှုန်းအထိ ရောင်းချ ၀ယ်ယူ နိုင်ခွင့်အား  သတ်မှတ် ပြဋ္ဌာန်းခဲ့သောကြောင့် ယခု လပိုင်းများအတွင်း နိုင်ငံခြားသား ၀ယ်လိုများ စိတ်ဝင်စား မေးမြန်းမှုများ ရှိလာကြောင်း အိမ်ခြံမြေ အကျိုးဆောင် အချို့မှ Property.com.mm သတင်းမီဒီယာသို့ ပြောကြားသည်။

 

ကွန်ဒိုတိုက်ခန်းအရောင်းအ၀ယ်ဈေးကွက်မှာ လွန်ခဲ့သည့်နှစ်အတွင်း အိမ်ခြံမြေ ဈေးကွက်အေးစက် တည်ငြိမ်မှုများနှင့် အတူ ကွန်ဒိုအရောင်းအ၀ယ်များပါ သိသိသာသာလျော့နည်းခဲ့သည်။ ပြည်တွင်းဝယ်လိုအား နည်းပါးပြီး အငှား ဈေးကွက် ကိုသာ အားပြုရသည့် အနေအထားရှိခဲ့ကာ ငှားရမ်းမှု  အနေဖြင့် နိုင်ငံခြားသားများ၏ လုပ်ငန်းသုံး၊ ရုံးသုံးနှင့် နေထိုင်မှုအတွက် ငှားရမ်းသော ကွန်ဒိုအခန်းများကို အတွေ့ရများသည်။ နိုင်ငံခြားသားများအနေဖြင့် မဖြစ်မနေ လိုအပ်ချက်ဖြစ်သည့်အတွက် ကွန်ဒိုတိုက်ခန်းငှားရမ်းပါကလည်း ဈေးနှုန်းကြီးမားလှသည့် ဒဏ်များ ကြုံတွေ့ ခဲ့ကြပြီး ၂၀၁၃ ခုနှစ်က စတင်ရေးဆွဲသည့် ကွန်ဒိုမီနီယံဥပဒေကြမ်းနှင့် ပတ်သက်၍ ပြည်သူ့ 
လွှတ်တော်နှင့် အမျိုးသားလွှတ်တော်နှစ်ရပ် အကြား သဘောထားအမြင်ကွဲလွဲမှုများကြောင့် အပြီးသတ် အတည်ပြု နိုင်ခြင်း မရှိပဲ အချိန်သုံးနှစ်နီးပါး ကြန့်ကြာနေခဲ့ရာ အိမ်ခြံမြေဥပဒေပြင်ဆင်ပြောင်းလဲလာမှု များအပေါ်၌ စိတ်ဝင်တစားစောင့်ကြည့်သူ နိုင်ငံခြား သားများ၊ လုပ်ငန်းအဖွဲ့အစည်းများလည်း ရှိခဲ့ကြသည်။ ကွန်ဒိုမီနီယံ ဥပဒေထွက်ပေါ်လာသော်လည်း  ယခင် ကွန်ဒိုဥပဒေတွင် ဆောက်လုပ်သည့်မြေသည် စုပေါင်းပိုင် ဖြစ်ရမည် ဆိုသော်လည်း ဆောက်လုပ်သူအများစုမှာ  ပြည်တွင်းပြည်ပရင်းနှီးမြှုပ်နှံသူများနှင့် အစိုးရဌာနများအကြား BOT စနစ်ဖြင့် နှစ်ရှည် မြေငှားရန်းမှု အနေအထားဖြင့်သာ ငှားရမ်းလုပ်ဆောင်နေကြခြင်းဖြစ်သည်။ နိုင်ငံတော်မြေပေါ်တွင် ကုမ္ပဏီအား အငှား ချထားသော မြေတွင် ကွန်ဒိုတိုက်ခန်း ပိုင်ဆိုင်မှုနှင့် မြေပိုင်ဆိုင်မှုအချက်များ ပြည့်စုံရှင်းလင်းစွာ ပြဋ္ဌာန်း နိုင်စေရန် လိုအပ်မှုများ ရှိနေသေးကြောင်း သိရသည်။

 

"နိုင်ငံခြားသားတွေ မကြာခဏမေးမြန်းပါတယ် အဓိက ကွန်ဒိုအခန်းတွေပေ့ါ အငှားအတွက်ရော အ၀ယ်အတွက်ပါ စုံစမ်းကြတာတွေရှိပါတယ် ကြုံရသလောက်မှာ အများစုက သေသေချာချာ စစ်စစ်ပေါက်ပေါက် မေးမြန်း ကြည့်ရှုကြတယ် ကွန်ဒို ကြမ်းခင်းနံရံ အထပ်အမြင့်၊ အကျယ်အ၀န်း စတာတွေ သူတို့ စိတ်ကြိုက်ဖြစ်တဲ့ ကွန်ဒိုကို သေချာ အချိန်ပေးရှာဖွေရတယ်    မြန်မာပြည်မှာက ဓာတ်လှေကားပါ အခန်းထိုက်သင့်သလောက် အကျယ်ရှိရင်ပဲ ကွန်ဒို သတ်မှတ် ရောင်းချနေကြတာတွေကလည်း များတော့ ခုနကလို အသေးစိတ် လိုက်လံကြည့်ရှုပြီးမှ စိတ်ကြိုက် ဖြစ်မှ လိုချင်တဲ့ ပြည်ပက ၀ယ်လိုတွေ ရှိလာတဲ့အခါ သေချာဂရုစိုက် ဆောင်ရွက်ပေးရပါတယ်" ဟု Estate Myanmar Enterprise အိမ်ခြံမြေအကျိုးဆောင် ကုမ္ပဏီမှ ကိုထွန်းထွန်းဦးက ပြောကြားသည်။

 

အထပ်မြင့်ကွန်ဒို ဆောက်လုပ် ရင်းနှီးမြှုပ်နှံသူ လုပ်ငန်းရှင်များ အနေဖြင့် နိုင်ငံတကာ စံညွှန်းမီ အရည်အသွေးနှင့် ပြည့်စုံသည့် တိုက်ခန်းအိမ်ရာများဖြစ်စေဖို့ စနစ်တကျ ဆောက်လုပ်ရန်လိုအပ်ပြီး အဆင့်မြင့် ကွန်ဒိုအခန်း လိုအပ်ချက်များမှာလည်း   နိုင်ငံရေး၊ စီးပွားရေးဈေးကွက်နှင့် ပြည်ပ ရင်းနှီးမြှုပ်နှံမှုများ ပိုမို ဖွံ့ဖြိုး ကောင်းမွန်လာ သည်နှင့် အမျှ မြို့ပြ အဆင့်မြင့် လူနေမှုစနစ်၏ အဓိကအချက်ဖြစ်သော နေထိုင်ရေးနှင့် လုပ်ငန်းခွင် နေရာ များအတွက် အခြေခံမြို့ပြ အင်္ဂါရပ်များ ဖြစ်လာမည့်အပြင် ပြည်တွင်းလုပ်ငန်းရှင်များ ပြည်သူများ လုပ်ငန်းစီးပွား တိုးတက်ကောင်းမွန်လာသည်နှင့်အမျှလည်း  အိမ်ခြံမြေ အရောင်းအ၀ယ် ဈေးကွက်အနေဖြင့်လည်း နှစ်များမကြာမီ ပိုမို တိုးတက် ခိုင်မာ လာနိုင်ဖွယ်ရှိကြောင်း သုံးသပ်တင်ပြလိုက်ပါသည်။  


Property Media Team

www.Property.com.mm

Facebook comments