Property.com.mm | Buy, Sell, Rent - အစိုးရသိမ်းယူထားသည့် လယ်မြေများထဲမှ ဧကသုံးသိန်းကျော် ပြန်လည်စွန့်လွှတ်ကြောင်း ကြေညာ

အစိုးရသိမ်းယူထားသည့် လယ်မြေများထဲမှ ဧကသုံးသိန်းကျော် ပြန်လည်စွန့်လွှတ်ကြောင်း ကြေညာ

အစိုးရသိမ်းယူထားသည့် မြေဧက လေးသိန်းကျော်အနက်သုံးသိန်းခုနစ်သောင်းကျော် ပြန်လည်စွန့်လွှတ်ပြီးဖြစ်ကြောင်း
အစိုးရ၏ မြေအသုံးချမှုစီမံခန့်ခွဲမှုရေးဗဟိုကော်မတီက မတ်လ၁၇ ရက်တွင် ထုတ်ပြန်ကြေညာ သည်။

၂၀၁၂ တွင် လွှတ်တော်၌ ဖွဲ့စည်းခဲ့သည့် လယ်ယာမြေနှင့် အခြားမြေများ သိမ်းဆည်းခံရမှု များကြောင့် ပြည်သူများ နစ်နာမှု မရှိရေးအတွက် စုံစမ်းရေးကော် မရှင်အစီရင်ခံစာများပါ အချက်အလက်များ အပေါ်အခြေခံ၍ အထက်ပါကော်မတီအဆင့်ဆင့်က ဖြေရှင်းခဲ့ခြင်းဖြစ်သည်ဟု ဆိုထားသည်။

အထက်ပါပမာဏမှာ လက် ရှိအစိုးရသက်တမ်းကုန်ခါနီး တစ်လအလို ၂၀၁၆ ဖေဖော်ဝါရီ ၂၉ ရက်အထိ အဆိုပါကော်မတီက ဖြေရှင်းခဲ့ခြင်းဖြစ်သည်ဟု ဆို ထားသည်။

အဆိုပါ ထုတ်ပြန်ချက်အရ ရခိုင်၊ မကွေးနှင့် စစ်ကိုင်းတိုင်း ဒေသကြီးတို့တွင် မြေအားလုံးကို ပြန်လည်လွှဲပြောင်းပေးခဲ့ပြီးဖြစ်ကြောင်းနှင့် ယင်းပြည်နယ်နှင့် တိုင်းနှစ်ခု၌ စုစုပေါင်းမြေဧက တစ်သိန်းကျော် စွန့်လွှတ်ခဲ့သည် ဟု ဆိုသည်။ အဆိုပါ ကော်မတီ က ပြန်လည်စွန့်လွှတ်ရန် စုစု ပေါင်းမြေဧက သုံးသောင်းရှိပြီး ၎င်းတို့အနက် မန္တလေးတိုင်းတွင် မြေဧက တစ်သောင်းနှစ်ထောင် ကျော် အများဆုံးပြန်လည်လွှဲ ပြောင်းပေးဖြစ်သည်ဟု ဆိုသည်။ထို့နောက် မွန်ပြည်နယ်တွင် ဧကတစ်ထောင်ခန့်၊ ဧရာဝတီတိုင်း တွင် ဧကသုံးထောင်ကျော်၊ ရန်ကုန်တိုင်းတွင် ဧက တစ်ထောင့်ငါးရာကျော်စသည်ဖြင့် ကျန်သေး ကြောင်း ဖော်ပြပါရှိသည်။

မြေသိမ်းခံထားရသည့် နစ် နာသူများသည် မိမိတို့မြေများ ပြန်လည်စွန့်လွှတ်သည့်မြေများ တွင် ပါဝင်ခြင်း ရှိ၊ မရှိ ရပ်ကွက် နှင့်ကျေးရွာ မြေအသုံးချမှု စီမံခန့် ခွဲရေး ကော်မတီရုံးများတွင် စုံစမ်းနိုင်သည်ဟု ကြေညာချက်၌ ဖော်ပြထားသည်။ စွန့်လွှတ်မည့် မြေများတွင် ပါဝင်ပါက အဆိုပါ ကော်မတီထံမှ မြေပိုင်ဆိုင်ခွင့် အထောက်အထားများဖြင့် လွှဲပြောင်း ရယူရမည်ဟုဆိုထားသည်။

ပြန်လည်စွန့်လွှတ်ရာတွင် လယ်မြေများကို လယ်မြေလုပ်ကိုင်ခွင့် ပုံစံ(၇) ထုတ်ပေးမည်ဖြစ်ပြီး မြို့ မြေ၊ ရွာမြေ၊ သာသနာ့မြေများကို မြေပိုင်ဆိုင်မှု အထောက် အထားများ ထုတ်ပေးမည်ဟု ဆိုသည်။

အဆိုပါ စာရင်းဇယားများ သည် မြေအသုံးချမှု စီမံခန့်ခွဲရေး ဗဟိုကော်မတီက ကွင်းဆင်းစစ် ဆေးထားသည့် စာရင်းများမဟုတ်ဘဲ အောက်ခြေမှအဆင့်ဆင့် တက်လာသည့်စာရင်းများသာ ဖြစ်သည်။ အမှန်တကယ် လယ် သမားလက်ထဲ လယ်မြေများပြန် လည်ရောက်ရှိမှုသည် အနည်းငယ်သာဖြစ်ကြောင်း ပြည်ထောင်စုလွှတ်တော်က ဖွဲ့စည်းသည့် မြေသိမ်းမှုဆိုင်ရာကော်မရှင်တွင် ပါဝင်သည့် ဦးခိုင်မောင်ရည်က ပြောသည်။

‘‘ဒါတွေက ရပ်ကွက်၊ ကျေး ရွာက အဆင့်ဆင့်တက်လာတဲ့ ကိန်းဂဏန်းအဆင့်ပါပဲ။ တိကျ ခိုင်မာတဲ့ ကိန်းဂဏန်းမဟုတ်ပါ ဘူး။ သူတို့အခမ်းအနားနဲ့ စွန့် လွှတ်တယ်ဆိုတာလည်း ထောင် ဂဏန်း၊ ရာဂဏန်းသာ ရှိပါသေး တယ်’’ဟု ၎င်းကဆက်လက်ပြောသည်။

လယ်ယာမြေနှင့် အခြားမြေ များ သိမ်းဆည်းခံရမှုများကြောင့် ပြည်သူများနစ်နာမှု မရှိစေရေးအ တွက် စုံစမ်းရေးကော်မရှင်က တင်ပြခဲ့သည့်
အစီရင်ခံစာတွင် မြေယာအမှုပေါင်း တစ်သောင်းခုနစ်ထောင်ကျော်ရှိပြီး ရန်ကုန်တိုင်းတွင် အများဆုံးဖြစ်သည်။

Source: 7Daydaily

အစိုးရသိမ်းယူထားသည့် လယ်မြေများထဲမှ ဧကသုံးသိန်းကျော် ပြန်လည်စွန့်လွှတ်ကြောင်း ကြေညာ

Facebook comments