ရက် ၁၀၀ စီမံချက် ကာလအတွင်း သထုံတွင် ကျေးရွာမြေငှားဂရန်များ ထုတ်ပေးနိုင်ရန် ကွင်းဆင်းဆောင်ရွက်

javascript

မွန်ပြည်နယ်၊ သထုံမြို့နယ်၊ နောင်ဘိုကျေးရွာ အုပ်စု၊ ချောင်းဝ ကျေးရွာ တွင် ကျေး ရွာနေ ပြည်သူများ ခိုင်မာသည့် တရားဝင် အထောက်အထား မြေငှားဂရန် ရရှိပြီး စိတ်ပိုင်းရုပ်ပိုင်း ဆိုင်ရာ လုံခြုံမှုများ ပိုမိုရရှိစေရေး ရက် ၁၀၀ စီမံချက်ဖြင့် ကျေးရွာ မြေငှား ဂရန်များကို ထုတ်ပေးနိုင်ရန် အတွက် ဇွန်လ ၂၈ ရက်၊ နံနက်က သထုံခရိုင်နှင့် မြို့နယ် ကျေးရွာမြေငှားဂရန်ထုတ်ပေးရေးလုပ်ငန်း အဖွဲ့ဝင်များက လုပ်ငန်း ဆောင် ရွက်နေမှုများကို ကွင်းဆင်း စစ်ဆေးခဲ့ကြောင်း သိရသည်။


အဆိုပါ ကွင်းဆင်းစစ်ဆေးရာတွင် သထုံခရိုင် ကျေးရွာမြေငှားဂရန် ထုတ်ပေးရေး လုပ်ငန်းအဖွဲ့ ဥက္ကဋ္ဌ၊ ခရိုင်အုပ်ချုပ်ရေးမှူး ဦးတေဇာအောင်က ကျေးရွာအတွင်း ကွက်စိပ်၊ ကွက်ကျဲ တိုင်းတာနေမှု များနှင့် ချောင်းဝကျေးရွာ အတွင်း ရွာအ၀င်လမ်းမကြီးများ၊ လမ်းသွယ်များကို ၀င်လမ်းထွက်လမ်း အဆင်ပြေစေရန် သတ်မှတ်ချက်များ အတိုင်း တပြေးညီ တိုင်းတာနိုင်စေရေး အတွက် ဒေသခံ ပြည်သူများနှင့် ညှိနှိုင်းဆွေးနွေးပြီး သထုံခရိုင်နှင့် မြို့နယ် ကျေးရွာမြေငှားဂရန် ထုတ်ပေးရေး လုပ်ငန်း အဖွဲ့ဝင်များက သတ်မှတ်ကာလ အတွင်း အပြီးသတ် ထုတ်ပေးနိုင်ရန် အတွက် ဆောင်ရွက်နေမှု များကို ရှင်းလင်း ပြောကြားခဲ့ကြသည်။


နောင်ဘိုကျေးရွာအုပ်စု၊ ချောင်းဝကျေးရွာသည် မြေဧရိယာ ၂၁.၁၂ ဧက အကျယ် အ၀န်းရှိပြီး ရက် ၁၀၀ စီမံချက်ဖြင့် အိမ်ခြေ ၅၀၊ အိမ်ထောင်စု ၆၈ စုအား မြေငှားဂရန် ထုတ်ပေးသွားမည် ဖြစ်ကြောင်း မြို့နယ်အထွေထွေအုပ်ချုပ်ရေးဦးစီးဌာနမှ သိရှိရသည်။


Source: MOI Webportal Myanmar

Facebook comments