မြစိမ်းရောင် စီမံကိန်းကို ကျေးရွာပေါင်း ၂၁ဝဝ ကျော်တွင် ဖော်ဆောင်ရန်အတွက် ငွေကျပ်သန်း ပေါင်းခြောက်ထောင်ကျော် အသုံးပြုသွားမည်

javascript

မြစိမ်းရောင် စီမံကိန်းကို ကျေးရွာပေါင်း ၂၁ဝဝ ကျော်တွင် ဖော်ဆောင်ရန်အတွက်  ငွေကျပ်သန်းပေါင်းခြောက်ထောင် ကျော်အသုံးပြုသွားမည်ဖြစ်ကြောင်း သိရသည်။ယင်းစီမံကိန်းကို နေပြည် တော်အပါအဝင် တိုင်းဒေသကြီး နှင့်ပြည်နယ် ၁၅ ခုတို့တွင် ယခုဘဏ္ဍာ နှစ်အတွင်း အကောင်အထည်ဖော် ဆောင်ရွက်သွားမည်ဖြစ်ကြောင်း  ကျေးလက်ဒေသဖွံ့ဖြိုးတိုးတက်ရေးဦးစီးဌာန ဒုတိယညွှန်ကြားရေးမှူး ဒေါက်တာဇာနည် မင်းက မေ ၁၂ ရက်တွင် ပြောသည်။ ''စီမံကိန်းအတွက် တာဝန်ရှိတဲ့အစိုးရအဖွဲ့တွေ၊ လွှတ်တော်ကိုယ်စားလှယ်တွေနဲ့ အရပ်ဘက်လူမှုအဖွဲ့အစည်းတွေကွင်းဆင်းပြီး ကျေးရွာ တွေကိုရွေးချယ်နေပါတယ်''ဟု ၎င်းက ဆက်လက်ပြောသည်။


မြစိမ်းရောင်စီမံကိန်းသည် အရင်းမပျောက် လည်ပတ်ရန်ပုံငွေ ထူထောင်သည့် နည်းလမ်းဖြင့် နိုင်ငံ တော်ရန်ပုံငွေမှတစ်ရွာလျှင် ကျပ်သိန်း ၃ဝဝ မတည်ပေးခြင်းဖြစ်ပြီး  ယင်းငွေကြေးပမာဏကို အများသဘော တူရွေးချယ်ထားသည့် ကျေးရွာကော်မတီကစီမံခန့်ခွဲပြီး ကျေးရွာလူထုကို အတိုးနှုန်းသက်သာ စွာဖြင့် ချေးငွေချပေးခြင်းဖြစ်ကာ အတိုးနှုန်းသည် တစ်လလျှင်အနည်းဆုံး ပြား ၅ဝ မှအများဆုံးတစ်ကျပ်၊ ပြား ၅ဝ အတွင်း မှာသာရှိကြောင်းသိရသည်။ မြစိမ်းရောင်စီမံကိန်းနှင့်ပတ်သက်ပြီး လေ့လာမှုများပြုလုပ်နေသူတစ်ဦးက ''ကျွန်မတို့လေ့လာခဲ့တဲ့နေ ရာတွေမှာတော့ အောင်မြင်မှုရရှိတာကိုတွေ့ရပါတယ်။ ဒါပေမဲ့ ကျေးရွာ တွေ က တဖြည်းဖြည်း များလာတဲ့အ တွက် ဝန်ထမ်းအင်အားလိုအပ်မှု တွေရှိလာမယ်။ ကျေးရွာအရေအ တွက်များလာတာနဲ့ စီမံကိန်းကို Follow up လုပ်နိုင်မှု နည်းသွား နိုင်တယ်။''


''ဒါဆိုရင်စီမံကိန်းရဲ့ အောင် မြင်နေမှုကလျော့ကျသွားနိုင်တယ်။  အရင်စလုပ်တဲ့အချိန်ကဆိုရင် ဒီစီမံကိန်းကိုမသိကြဘူး။ အခုနောက်ပိုင်းတော့ ဒီစီမံကိန်းကို သိလာကြပါတယ်။ ဒါပေမဲ့ ဒီစီမံကိန်းကို သေချာ နားလည် သဘောပေါက်ဖို့ဆိုရင် တော့ ကျေးလက်နေပြည်သူတွေကို Awareness တွေပေးဖို့ လိုအပ်နေ သေးတယ်လို့ထင်ပါတယ်။ အဓိကက တော့ ကျေးရွာတွေရွေးချယ်တဲ့အခါမှာ တကယ်အခက်အခဲဖြစ်နေ တဲ့ကျေး ရွာတွေကို ရစေချင်တာပါ''ဟုပြောသည်။


အဆိုပါစီမံကိန်းကို နေပြည် တော်တွင်ကျေးရွာ ၂ဝ ၊ ကချင်ပြည်နယ်တွင် ၆၃ ရွာ၊ ကယားပြည်နယ်တွင်ကျေးရွာ ၂ဝ၊ ကရင်ပြည်နယ်တွင်ကျေးရွာ ၈ဝ၊ ချင်းပြည်နယ်တွင် ကျေးရွာ ၆ဝ၊ စစ်ကိုင်းတိုင်းဒေသ ကြီး တွင်ကျေးရွာပေါင်း ၁၄ဝ၊ တနင်္သာရီတိုင်းဒေသကြီးတွင် ကျေးရွာ ၃ဝ၊ ပဲခူးတိုင်းဒေသကြီးတွင် ကျေးရွာ ၂၄ဝ၊ မကွေးတိုင်းဒေသကြီးတွင် ကျေးရွာ ၁၆၅ရွာ၊ မန္တလေးတိုင်းဒေသကြီးတွင် ၁၇၈ရွာ၊ မွန်ပြည်နယ် တွင်ကျေး ရွာ ၃ဝ၊ ရခိုင်ပြည်နယ်တွင် ကျေးရွာ ၁ဝ၄ ရွာ၊ ရန်ကုန်တိုင်း ဒေသကြီးတွင်ကျေးရွာ ၆ဝ၊ ရှမ်း ပြည်နယ်တွင်ကျေးရွာ ၄၂ဝ၊ ဧရာ ဝတီတိုင်းဒေသကြီးတွင်ကျေးရွာ ၃၉ဝ နှင့်  စီမံကိန်းလုပ်ဆောင်ရန် အလွန်လို အပ်နေသည့် ကျေးရွာ ၁ဝ၇ ရွာတို့တွင် အကောင်အထည်ဖော် ဆောင်ရွက်သွားမည်ဖြစ်ကြောင်း သိရသည်။ မြစိမ်းရောင်စီမံကိန်းကို ၂ဝ၁၄ -၂ဝ၁၅ ခုနှစ်တွင် စတင်လုပ်ကိုင် လာခဲ့ရာ ကျေးရွာပေါင်း ၅၂ဝဝ ကျော် တွင် အကောင်အထည်ဖော် ဆောင်ပြီးဖြစ်ကြောင်း သိရသည်။

Source:Yangon Media Group

Facebook comments