အငှားအိမ်ရာတိုက်ခန်းမဲပေါက်သူများအား ငွေပေးသွင်းစာချုပ်ချုပ်ဆိုမည် လက်ရှိနေထိုင်သည့်အဆောက်အအုံများ မိမိအစီအစဉ်ဖြင့် ဖယ်ရှားရန် အသိပေး

javascript
မန္တလေးမြို့တော် စည်ပင်သာယာရေး ကော်မတီကတည်ဆောက်ပြီး စီးသော အောင်မြေသာစံမြို့နယ် ကမ်းနားလမ်းရှိ အငှားအိမ် ရာ တိုက်ခန်း များအား ဧရာဝတီမြစ်အခြေပြု လုပ်သားမိသားစုများအား မတ် ၇ ရက်နှင့် ၈ရက်တွင် ပွင့်လင်းမြင်သာစွာလျှောက်ထားသူကိုယ်တိုင် မဲစနစ်ဖြင့်နေရာ ချထားပေးခဲ့သည်။

တိုက်ခန်းငှားရမ်းခွင့်ရသူများသည် မတ် ၂၈ ရက်မှ ၃၁ ရက်အတွင်း တိုက်ခန်းစတင် ငှားရမ်းခြင်းစာချုပ် ချုပ်ဆိုပေးသွားမည်ဖြစ်သည်။ တိုက်ခန်းစာချုပ်ချုပ်ဆိုရန်လာရောက် သူများအနေဖြင့် တိုက်ခန်းမဲနှိုက်စဉ် က ထုတ်ပေးခဲ့သော တိုက်ခန်းငှားရမ်းခွင့်ပြုလက်မှတ် (အစိမ်းရောင်) စာရွက်မူရင်း၊ နိုင်ငံသားစိစစ်ရေးကတ်မူရင်းများယူဆောင်၍ ကိုယ်တိုင် လာရောက်ရန်ဖြစ်သည်။ တိုက်ခန်းငှား စာချုပ်ချုပ်ဆိုပြီးသူများသည် မိမိတို့၏တိုက် ခန်းငှားရမ်းခများကို စာချုပ်ချုပ်ဆိုသည့်ရက်တွင် ပေးဆောင် ရမည်ဖြစ်ပြီး ငှားရမ်းခပေးသွင်းသည့်ရက်တွင် အငှားချထားခံရသည့် တိုက်ခန်းသော့ကို တစ်ပြိုင်တည်းပေးအပ် သွားမည်ဖြစ်သည်။

တိုက်ခန်းငှားရမ်းခွင့် ရရှိသူများအနေဖြင့် အငှားအိမ်ရာတိုက်ခန်း သို့ ပြောင်းရွှေ့နေထိုင်သည့်ရက်တွင် မိမိတို့လက်ရှိနေထိုင်နေသော ဧရာဝတီမြစ်ဘေး အဆောက်အအုံများကို မိမိတို့အစီအစဉ်ဖြင့် ဖယ်ရှားသွားရမည်ဖြစ်ကြောင်း မန္တလေးမြို့တော်စည်ပင်သာ ယာ ရေးကော်မတီက အသိပေးထားသည်။

Source: MOI Webportal Myanmar

Facebook comments